Fréttir

Skilafrestur í minjagripasamkeppni að renna út

06.09 2010

Hinn 17. júní s.l. var hleypt af stokkunum almennri samkeppni um minjagripi og handverk til minningar um Jón Sigurðsson. Leitað er að vönduðum gripum sem sækja innblástur í menningu og sögu þjóðarinnar. Verðlaunafé er ein milljón króna. Fyrstu verðlaun eru 600 þúsund krónur og 400 þúsund krónur skiptast eftir nánari ákvörðun dómnefndar. Skilafrestur rennur út á hádegi mánudaginn 20. september n.k. Tillögum skal skilað sem teikningum af hlut eða ljósmyndum af fullunnum hlut. Sjá nánar hér.